FISKEKUTTAREN MK HELAND

Ved museumskaia ligg fiskekuttaren MK Heland - bygd på Vestnes i 1937 for Olaf Røssvik og brørne Sevrin og Arne Roald.

Heland vart først brukt til heilårsfiske: sildefiske om vinteren, torskefiske om våren, småkvalfangst om sommaren og kveitefiske om hausten.

I 1941 vart skipper Sevrin Roald spurd om å gå til Shetland med agentar frå Kompani Linge. Dette vart starten på ei ny tid for Heland, som frå no av gjekk inn som «shetlandsbuss» i den såkalla Englandsfarten. Agentar vart frakta frå Shetland til Noreg, og flyktningar og agentar vart frakta andre vegen. Verksemda var farefull, med Gestapo og den tyske okkupasjonsmakta jagande for å stogge denne ferdselsåra.

Heland vart overteken av Sunnmøre museum i 1972 og fekk i 1977 status som verna fartøy av Riksantikvaren. I dag er Heland museumsfartøy som fortel både om utviklinga av fiskeria og om den dramatiske verksemda båten var del av under andre verdskrigen.

TIDSLINJE

MK Heland har ei rik og spanande historie!

Klikk deg på lenkjene under og les meir om Heland; frå byggjing av båten - til Heland som fiskefarty i fredstid og som "shetlandsbuss" under 2. verdskrigen:

MK Heland og frigjeringskonvoien 2025

I samband med markering av 80-årsjubileet for fred i 1945, segla Heland i konvoi saman med fire andre historiske fartøy.

Seglaset gjekk frå Bergen til Lerwick, Shetland, der frigjeringsdagen 8. mai vart markert.

I tillegg til Heland utgjorde konvoien fartøya D/S Hestmanden - det siste overlevande fartøyet frå Nortraships omfattande flåte.

M/K Andholmen - fiskefartyet som ved krigsutbrotet vart rekvirert av norsk sjømilitære og i juni 1940 segla over til Shetland for å delta i kampane derfrå.

M/K Erkna og M/B Arnefjord, som begge frakta soldatar, motstandsfolk og flyktningar til og frå Noreg.

HELANDS VENNER

Vi i venneforeininga for fiskekuttaren MK Heland, Helands venner, møtast om bord kvar tysdag og jobbar både med vedlikehald og formidling. Vi planlegg og deltek på arrangement og turar.

Vil du vite meir om oss?
Send gjerne ein e-post til

Leiar: Knut Myklebust knut.mathias.myklebust@alesund.kommune.no

Kontaktperson i Viti: Marie Vermersch Marie.Vermersch@vitimusea.no

Vil du melde deg inn?
Fyll ut dette skjemaet