Donasjonar

Viti tek kvart år imot rause donasjonar frå andre, inkludert privatpersonar, både pengegåver og gjenstandar. Dette er viktige tilskot til musea for å ta vare på kulturarv og kunst for framtida.

Oversikt over donerte gjenstandar finn du i Viti sine årsmeldingar.

Ønskjer du å donere ein gjenstand?
Viti får mange førespurnadar frå personar som ønsker å donere gjenstandar til musea. Vi er svært takksame for alle donasjonar som bidreg til å utvikle museets samling og styrkar kulturarven vår.

Vi er spesielt interessert i gjenstandar frå nyare kystkultur, men vil gjerne vurdere alle typar frå alle periodar.

Kva gjer du for å donere?
Har du ein gjenstand du ønsker å donere til Viti sender du ein e-post til post@vitimusea.no

For å auke den kulturhistoriske verdien er det viktig å få mest mogleg informasjon knytt til gjenstanden:

• Beskriv gjenstanden og legg ved bilde
• Kvar er den brukt (stad), av kven (namn) og periode (årstal)
• Kven har laga den (namn på produsent) og kvar er den laga (stad)

Behandling av førespurnad
Viti sin inntakskomité behandlar alle førespurnadar og tek stilling til gjenstanden i høve til vår samlingsplan.

Vurderingsprosessen blir utført i samsvar med ICOM ( International council of museums) sitt etiske regelverk.

Inntakskomiteen har behandlingstid på inntil ein månad.

Ved inntak blir gjenstanden enten innlemma i Viti si samling eller brukt i formidling som rekvisita. Vi er interessert i gjenstandar til begge kategoriar.

All overlevering av gjenstandar skjer berre etter avtale gjort med Viti. Det er svært skjeldant at musea kjøpar eller betalar for gjenstandar.