Utstillingsopning: Pelstid

I 2025 vart pelsdyrnæringa avvikla i Noreg. Bøndene på Sunnmøre var pionerar dei første tiåra og har vore med heilt til næringa vart forbode.

Spora etter næringa kan vi framleis sjå i landskapet, hos menneska som jobba i næringa, i klesskapet, på bilete og i arkiv. Ho er ein del av den immaterielle kulturarven på Sunnmøre.

Plagg av pels frå dyr har kledd menneske i tusenvis av år.

Utover 1800-talet vaks etterspurnaden og fangstmetodane vart betre. Fangsten vart eit trugsmål mot bestandane.

På 1880-talet starta Charles Dalton å fange vill sølvrev i Canada og halde dei for pelsen sin del. I Noreg prøvde ein først å fange både rev, ekorn, røyskatt og mår utan å lukkast med å få dei til å yngle i fangenskap.

I 1913 kom dei første sølvrevane til Noreg og Europa frå Canada. I løpet dei neste åra starta mange med reveoppdrett.

I 1927 vart dei første minkane i Europa innført frå Canada til dei sunnmørske pelsgardane. I 1934 er det heile 1252 revegardar på Sunnmøre, flest i landet.