VGS: Omvising «Eg var her»

Sunnmøre er som alle andre område i verda påverka av plassering, klima og menneska som har funne vegen hit og herifrå igjen. Kvar finn vi spor av denne påverkinga? Utstillinga «Eg var her» tek utgangspunkt i samfunnet, landskapet og menneska som har vore før oss.

Gjennom omvising, samtale og gjenstandane i utstillinga nærmar vi oss dei som har budd her før oss. Kven var dei? Korleis har livsgrunnlag og valmoglegheiter endra seg?

I omvisinga inviterer vi elevane til deltaking og refleksjon gjennom direkte respons blant anna på tekstveggar i utstillingsromma. 

Opplegget kan og utvidast med besøk i eit eller fleire av husa i friluftsmuseet.