Forestilling: Nesegrevet

I Eventyrlandet langt, langt borte går ikkje alt heilt som det pleier i eventyr. Ei dronning meiner nemleg at historia blir fortald feil – og bestemmer seg for å rette opp i det sjølv.

Vi møter eit lite troll som prøver å vere snilt, ein prins som er forheksa til ein isbjørn, ei fattig jente som tør å følgje hjartet sitt, og Nesegrevet – ei trolljente som berre ønskjer å bli elska for den ho er.

Gjennom kjende eventyrfigurar, humor, magi og litt kaos blir historiene vikla saman i eit eventyr om kjærleik, mot og fridom. For kven bestemmer eigentleg kven vi skal vere – og kven vi skal elske?