Folkedans for lærarar

På kurset vil du få lære eit repertoar av dansar både i par, grupper og på ring, både musikkdansar og dansar/leikar der ein syng til. Dansane vi nyttar ligg på nettsida til Folkepedia.no. Folkepedia er eit prosjekt der Noregs Ungdomslag lagar og legg ut danserettleiingsfilmar retta mot born, unge og skular. Du vil få ein introduksjon til korleis bruke filmane og kvar du kan finne musikk som passar til dansane.

Formidlingsopplegget vert gjennomført på den einskilde skule. Deltakarane vil vere i fysisk aktivitet gjennom det meste av verkstaden. Vi treng då helst ein gymsal gjerne med moglegheit til å vise film frå nettsida Folkepedia.no.

Kurset er eit tilbod laga av Folkemusikkarkivet (fellesteneste for musea i Møre og Romsdal) i samarbeid med Romsdalsmuseet.