Vestlandutstillingen 2023

Om Vestlandsutstillingen

Vestlandsutstillingen er den eldste landsdelsutstillinga, og vart for fyrste gong vist på Bergen Kunstforening i 1922. Formålet med utstillinga er å arrangere ei årleg utstilling med verk av kunstnarar som har tilknyting til Vestlandet. Utstillinga skal vise fram samtidskunst av høg kvalitet som speglar den vestlandske kunstscena slik den går føre seg i lokale, nasjonale og internasjonale kontekstar ut mot resten av landet.

Om kurator Heidi Røstøl
Heidi Rødstøl (1973) er biletkunstnar, konsulent og kurator basert på Åfarnes, Møre og Romsdal. Ho har utdanninga si frå Kunsthøgskolen i Bergen, avdeling kunstakademiet. I si kunstnariske praksis interesserer Rødstøl seg for rom, og korleis relasjonar i rommet sansast og fortolkast. Dette har resultert i ulike seriar av arbeid der ho utforskar spesifikke situasjonar gjennom tredimensjonale tegningar, måleri, installasjonar og foto. Rødstøl har hatt ei rekkje oppdrag som kunstfagleg prosjektleiar for kunst i offentlege rom og har vore juryleiar for Nordnorsken 2018. Ho har vore knytt til Kunstfagskulen i Ålesund der ho mellom anna har undervist i 3D og romleg kunst.

Vestlandsutstillingen vert støtta av fylkeskommunane Møre og Romsdal, Rogaland og Vestland.

På bildet: Daniela Bergschneider, Oriri, 2022. Foto: Guttorm Glomsås