Bøkkerverkstedet i Molovegen

Bøkkerverkstaden er historia om eit gammalt og viktig handverk, i tillegg til at verksemda i Molovegen 12 var utgangspunktet for Holm-familiens vekst og formue i Ålesund.

Aslak Holm overlet verkstaden til Nils Martinussen i 1905. I 1949 tok Peder Paulsen over verkstaden. Han heldt det gåande til 1953. Då vart verkstaden lagt ned. I 2015 starta Stiftelsen Kjell Holm arbeidet med å restaurere både huset og verkstaden.Bøkkerverkstaden vart gjenskapt slik produksjonen var mot slutten av 1800 – talet. Sidan mykje hadde forsvunne og var forandra måtte ein sjå til ein intakt gammal bøkkerverkstad i Kristiansund.

Bøkkeren

Ein bøkker er ein handverkar som lagar og reparerer tønner, fat og andre runde og ovale kjørler av trestavar. Stavane vert haldne saman av band av tre eller metall. I Ålesund var sildetønner og trantønner dei viktigste produkta. I tillegg kom stampar, kagger og bøyer, særleg spissbøyer. I denne verkstaden blei det også laga smørdunkar til Sunnmøre Meieri.