Sofa for alle

Tre-setar sofa produsert av P.I. Langlo på Stranda i 1930. Mange av salongmøblane på denne tida var tunge med synleg treverk som hadde utskjeringar i front. Dette er ein enklare modell som vart laga for folk flest.

Frå hardt til mjukt

Norske møbelprodusentar henta formideala sine frå utlandet då dei byrja å lage stoppa salongmøblar.

Møbelprodusentar på Sunnmøre var nyskapande når det gjaldt produksjonsmåtar. Dei delte opp arbeidet og tilsette spesialiserte seg på avgrensa delar i møbelframstillinga. Møbelformgjevinga var meir imiterande enn eksperimentell, men dei fekk fram rimelege produkt som fann vegen til mange norske heimar i ei tid då den norske forbruksvareindustrien opplevde auke i etterspurnaden. Dei som var i arbeid fekk betre råd, og meir fritid som kunne nytast i komfortable møblar.