Individualisme

I 1990-åra tok møbelbedrifter i bruk datastyrte maskiner, mellom anna til skjering og klipping av tekstilar. Det vart lagt til rette for ein meir ordrestyrt produksjon. Samstundes vart det utvikla betre datasystem slik at det vart mogleg å handtere meir komplekse kundeordrar.

Dette gav designarar sjans til å bryte opp den konforme sofastilen, som til då i stor grad hadde vore ein tresetar og ein tosetar, gjerne med vinkel eller bogemodul. På same tida skjedde det endringar i marknaden. Det vart meir individualisme, og mange kundar var opne for nye idear og tankar. Innreiingsstilen vart meir uformell.

Modulsofa

Sofaen Fantasy vart teikna av designarane Arild Alnes og Helge Taraldsen for Brunstad i 1999. Den kom på marknaden i 2000 og designarane tok i bruk fridomen somden nye datateknologien opna for.Kundane kunne veljei ulike sitte- og liggemodular og fleire tekstilar i ulike mønster og farger.