Ein song for romjula
Romjula kan vere ei tid for å møte slekt og kjende. Songen «Einn Kveld i Julinne» handlar om eit slikt selskap i romjula, og viser verdien av den gode samtalen og å dele god mat og drikke.
Teksten er prenta på Egsets Bogtrykkeri i Volda, som var etablert av Siver Aarflot i 1809. Egsets Bogtrykkeri var det første trykkeriet på landsbygda i Noreg.
Litteraturhistorikar Jostein Fet si forsking i og kartlegging av prent frå Egset er ei unik kjelde for kunnskap om både trykkeriverksemda og tydinga av tekstane som vart prenta der. Prentet er ein del av det rikhaldige Aarflot-arkivet i Viti.
Høyr dei to første versa framført av Jostein Skare
Opptaket er henta frå kassetten «Folketonar frå Volda og Ørsta». Produsent Dagfinn Nupen.
Teksten i «Einn Kveld i Julinne» handlar om dialogen mellom to naboar på romjulsbesøk. Songen har heile 12 vers.
