Naturmuseet
Naturmuseet – Sykkylven
Bjørnehjørne-tann
På 1800-talet var tyngda av den vestlandske bjørnestammen nettopp her vi bur. I dag er her ingen bjørnar att. Vi studerer brunbjørnen i museet og samtalar om korleis han lever i naturen i ulike årstider, både som liten og stor. Bjørnen i song og eventyr er også med. Borna får også støype kvar si bjørnehjørnetann i gips og ta ho med seg heim.
Foto: Viti
Vi vekslar mellom samtale, song, eventyrforteljing, blåbærsmaking og praktisk aktivitet.
Mål for opplegget:
Borna skal få
- kjennskap til naturen og berekraftig utvikling, lære av naturen og utvikle respekt og gryande forståing for korleis dei kan ta vare på naturen
- kunnskap om dyr og dyreliv
Jamfør Rammeplan for barnehagen.
Tilbod til førskuleborn i barnehagar i Sykkylven kommune i vårhalvåret, kan også tingast av andre.
- Tid: 45 minutt
- Gruppestorleik: 15 born (større grupper delast etter avtale)
- Pris: 30 kr per påmeldt barn
- No opent for påmelding for barnehagar i Sykkylven