Kurator utstilling

Viti - Jugendstilsenteret og Kube, og Anders Svor, Ålesund

VITI har ledig ei fast 100% stilling som kurator i kunstavdelinga for snarleg oppstart.

Viti si kunstavdeling er eit museum for kunst, arkitektur og design frå slutten av 1800-talet og fram til vår eiga samtid. VITI skal fremje frie kunstariske ytringar, kunnskapsutveksling, opplevingar og kritisk refleksjon. Gjennom eit spissa og eigenprodusert utstillings- og arrangementsprogram skal Jugendstilsenteret og KUBE og Anders Svor-museet vere levande og aktuelle arenaer for visuell kunst. Vi skal styrke vår rolle som nasjonalt kompetansesenter for jugendstil, aktualisere Anders Svor sitt kunstnarskap og synleggjere museets kunstfaglege arbeid regionalt, nasjonalt og internasjonalt.

Arbeidsoppgåver

· planlegging og gjennomføring av utstillingar og arrangement

· samlingsarbeid, med særleg ansvar for samtidskunsten i samlinga

· deltaking i kunstavdelinga sin inntakskomité

· vidareutvikle nasjonale og internasjonale nettverk

· bidra i arbeid med digitale prosjekt og presentasjonar av utstillingar og samlinga på internett og i sosiale media

· redaksjonsarbeid i samband med utstillingskatalogar og andre publikasjonar

· kunnskapsproduksjon og forskingsarbeid innan relevante fagområde

· andre oppgåver etter avtale med fagdirektør

Kvalifikasjonar

· MA i kunsthistorie eller annan estetisk fagkrins

· Dokumentert kuratorerfaring, helst frå museum

· Erfaring med styring av komplekse prosjekt, med mange samarbeidspartnarar og stramme tidsfristar

· God kompetanse på norsk og internasjonal samtidskunst

· God innsikt i jugendstilen og kunsten rundt forrige århundreskiftet, i lag med ei interesse for det regionale kunstfeltet er ein fordel

· Erfaring frå internasjonale samarbeid

· Publikasjonserfaring

· Særs god skriftleg og munnleg framstillingsevne på norsk og engelsk

· Gode IT-kunnskapar

Personlege eigenskapar

· Evner til god kommunikasjon og tverrfagleg samarbeid

· Fagleg engasjert og ein god formidlar

· Sjølvstendig, fleksibel, nøyaktig og påliteleg

· Stor arbeidskapasitet og gjennomføringsevne

· Bidreg aktivt til eit positivt arbeidsmiljø

Vi tilbyr

· Ei spanande rolle i eit museum i stor utvikling

· Fleksitid og tenestepensjonsordning gjennom KLP

· Engasjerte og kompetente kollegaer

· Løn etter kvalifikasjonar og kompetanse i stillingskode 1434 rådgivar lønnstrinn 45 (425.600,-) til lønnstrinn 63 (574.700,-)

Søknadsfrist 03.01.2022

Inkludering og mangfald er ein styrke og gjer at vi kan løyse oppgåvene våre enda betre. Difor ynskjer vi oss medarbeidarar med ulik kompetanse, fagkombinasjonar, livsrøynsle og perspektiv. Har du ei funksjonsnedsetjing, hol i CV-en eller innvandrarbakgrunn, oppmodar vi deg og til å søkje. Får du jobben, legg vi til rette for deg om du treng det.

Stillinga rapporterer til fagdirektør kunst. Arbeidsstad er Ålesund, med noko reising.

For meir informasjon om stillinga, ta kontakt med

Fagdirektør kunst, Benedikte Holen, tlf. 97 68 16 66

Personalansvarleg, Anja Rødset, tlf. 919 01 329

Send søknad og CV til post@vitimusea.no