Stortingsbesøk for Viti

Stortingsrepresentant og medlem i kulturkomiteen, Åse Kristin Ask Bakke frå Arbeiderpartiet, besøkte Viti søndag.

Ask Bakke gjesta Jugendstilsenteret og Kube, der ho fekk sjå separatutstillinga Lost Connections av Marit Helen Akslen.

Ho fekk omvisning av fagdirektør Benedikte Holen og fekk orientering om arbeidet knytt til det einastw kunstmuseet i fylket, og arbeidet som nasjonalt kompetansesenter for Jugendstil.

Etter lunsj med leiinga i Viti gjekk turen gjennom byen der vi såg på Storeggen av Aalesund og gjesta Fiskerimuseet. Ask Bakke fekk omvisning av fagfirektørane Torbjørn Akslen og Ingvil Eilertsen Grimstad, om Viti sitt arbeid innan forvaltning og formidling av kystkultur og fiskkerihistorie.

Vert for dagen var administrerande direktør i Viti, Audhild Gregoriusdotter Rotevatn.

- Det var svært inspirerende å møte ein så interessert og lyttande Stortingsrepresentant. Ask Bakke viste stor interesse for Viti sitt arbeid innan både kunst og kystkultur og våre spennade planer for å utvikle Viti vidare, seier Rotevatn.

Viti er største kulturinstitusjon i Møre og Romsdal og er i gang med utviklingsarbeid knytt til arenaer i Ålesund sentrum.

- Tida er no komen for å gjere Ålesund til ein ekte, levande og heilårsopen kulturby. Viti skal jobbe på lag med andre for å gjere Ålesund meir attraktiv. Ikkje berre som turistmål, men minst like mykje som skapar av kulturarbeidsplassar gjennom levande, profesjonelle kulturtilbod for innbyggjarane, avsluttar Rotevatn.